المكونات :-
المكونات : 3 كوب رز بسمتى - كيلو لحم ضانى - 3 معلقة صغيرة ملح - معلقة كبيرة صلصة طماطم - جنزبيل فريش مفروم - بصل شرايح - توم فصوص - فلفل حراق - جزر مبشور - طاطم مكعبات
البهارات : عندنا بهارات حصى ودى عبارة عن قرفة اعواد - ورق لورا - حبهان - قرنفل - فلفل اسود حبوب - كسبرة حبوب - ليمون مجفف - خولنجان ... وبهارات مطحونة معلقة صغيرة ليمون مجفف مطحون - فلفل اسود - حبهان مطحون
فى حلة بنحط زيت وننزل باللحمة تتشوح
وراها البهارات الحصى
التوم والبصل والجنزبيل بعد دقيقتين تلاتة
نقلب شوية
ننزل بكوب مية واحد تعرق اللحمة
معجون الطماطم
الطماطم المكعبات
البهارات المطحونة ونقلب دا كله
نكون مجهزين مية سخنة وننزل بيها ونقفل الحلة ونسيبها تستوى على حسب اللحمة وعلى حسب الحلة بتاعتك ضغط او عادية
ودى صورة بعد ماللحمة اتسلقت
ننزل بقى بالملح ونسيبها تغلى كمان غلوة
فى حلة الرز ننزل بزيت وعليه فلفل حراق
جزر مبشور
والرز مغسول ومنقوع لمدة نص ساعة ومتصفى
ونديله بقى من مرقة اللحم .. لكل كوب رز بسمتى كوبين سائل بس لازم نصفيه عشان الحبوب ... افرض مفضلش غير 4 كوب مرقة هانزود بمية عادية
ونسيبهم يتكتكوا كدا وبعدين نوطى عليه ونغطى لحد اما يستوى
اللحمة هانطلعها فى صينية ونحمرها فى الفرن
هانسخن مية ونرمى فيها شوية لوز هايتقشروا معانا
نحمره فى سمنة مع شوية زبيب ونرشهم على وش الطبق
ليست هناك تعليقات:
إرسال تعليق