السبت، 7 مايو 2016

فراخ سهلة وبسيطة للشيف سامح صدقي Greek marinated drumsticks

فراخ سهلة وبسيطة .. انصح المبتدئين فى المطبخ يجربوها
من اسهل واسرع طرق الفراخ اللى ممكن تعملوها ...ممكن تمشي دايت ... ممكن اى حد عمره ما دخل المطبخ يعملها ... ومش هاحكى عالطعم هاسيبكم تجربوه ... اعذرونى على عدم الانتظام ومتنسونيش من دعواتكم

 Greek marinated drumsticks
 المكونات ... دبابيس فراخ "ممكن فرخة كاملة" - زيت زيتون - توم - زبادى - ملح فلفل اسود وزعتر وضفت حتة شطة


 بنعمل فتحات فى الدبابيس بالسكينة كدا
 ننزل بالزبادى فى الخلاط


 زيت زيتون
 توم وشطة
 باقى البهارات ونضرب

 ننزل عالفراخ بالشكل دا

 نقلبهم فى التتبيلة شوية
 ونغطيها ببلاستيك ونسيبها طول الليل فى التلاجة ... نطلعها نلفها بفويل وندخلها الفرن ساعة ونص على درجة حرارة متوسطة ... ممكن تتقدم زى ماهى بس انا بحبها مقرمشة فسيبتها مكشوفة شوية تحت الشواية
 وتتقدم بالشكل دا

ليست هناك تعليقات:

إرسال تعليق