السبت، 7 مايو، 2016

كفتة الحاتى

ودى كفتة الحاتى عشان اللى سأل عليها
بقلم الشيف الرائع سامح صدقي

 المكونات: 
لحمة مفرومة (400 جرام لحمة - 100 جرام دهن - 50 جرام لية خروف) وبنفرهم مع بعض
تفل ومية بصل (هانقول بتتعمل ازاى) - ملح - فلفل اسود - بهارات كفتة ودي بنلاقيها عند اي عطار

 عشان نفصل المية عن التفل نبشرها وبعد كدا نعصلها بس نلبس جوانتى عشان الجيران بس

 ننزل بالتفل والبهارات والملح

 ونعجنهم كويس بالشكل دا

 نجيب اى سيخ ونحط عليه كمية من العجين ونبل ايدينا مية بصل ونشكلها كويس عالسيخ بعد كدا نشدها ونرصها فى طبق بالشكل دا

 نجيب شواية سخنة وندي الكفتة صدمة ونقلبها عشان تمسك كويس بعد كدا نرصها فى صينية بالشكل دا " الصدمة هاتكون لمدة دقيقة بالكتير عشان متتحرقش

 بعد ما نرص الكفتة كدا فى الصينية بنحط فى وسط الصينية فنجان فيه شوية زيت وبعد كدا نولع قطعة فحم لحد اما تحمر وننزل بيها فى الزيت ونقفل عليها بفويل بسرعة .. بعد كدا ندخلها فى فرن حامى لمدة نص ساعة.

 وتتقدم بالشكل دا


وبالهنا والشفتشي

شكرا للشيف الرائع سامح صدقي علي تعاونه معنا

ليست هناك تعليقات:

إرسال تعليق