السبت، 7 مايو، 2016

Chocolate Cheese Cake‎‏. للشيف سامح صدقي

لأول مرة انزل البومين فى يوم واحد .. بس اعمل ايه بقى عايز ابسطكم ‏‎smile‎‏ رمز تعبيري ...الطريقة دى يا جماعة فخيمة جدا .. يا رب تعملوها وتعجبكم .. مش هاوصيكم لو عجبتكم اعملو شير خلى الناس كلها تتمتع ‏‎smile‎‏ رمز تعبيري .. ليليتكم شيكولاته
بقلم الشيف الرائع سامح صدقي

 المكونات: 
علبة ويبينج كريم ... 5 بيضات - 600 جرام جبنة كريمى أى نوع "النوع دا اسمه الدمياطى ب 18 جنيه الكيلو" - بسكوت بوريو - معلقة صغيرة فانيليا - 200 جرام سكر - 250 جرام شيكولاتة مطبخ - زبدة سايلة

 اول حاجة بنجيب البسكويت البوريو دا ونفتحه وننضفه من الكريمة ... بعد كدا نطحنه وننزل عليه بالزبدة السايلة ونخلطه كويس

 ندهن صينية تشيز كيك زى دى زبدة وننزل فيها بطبقة البسكوت كدا ونساويها .. ندخلها الفرن لمدة 8 دقايق وعد كدا نسيبها تبرد ... فى الفترة دى نكون حطينا الشيكولاته فى حمام مية زى دا لحد اما تسيح


 ننزل ب 600 جرام جبنة فى المضرب لحد اما تبقى زى الكريمة وننزل بالسكر ... كل الشغل بتاعنا على اقل سرعة
 بننزل بالبيض بيضة بيضة ونضرب وننزل بالفانيليا والشيكولاتة اللى سيحناها ونضرب .. برده كل دا على اقل سرعة

 اخر حاجة نضرب شوية كريمة بمضرب كدا وننزلها مع الخليط ونضربها شوية ... بعد كدا ننزلها فوق البسكويت كدا

 نمشي كدا يمين وشمال بسكينة عشان نفرغها من الهوا ... ونلفها بورق فويل كدا عشان هانزلها فى حمام مية ... وندخلها فرن على 180 لمدة ربع ساعة بعد كدا بنوطى النار ونسيبها ساعة منفتحش الفرن خالص - بعد الساعة نطفى النار ونسيب الكيك جوا الفرن لمدة نص ساعة - بعد كدا نفتح الفرن ونسيبها جوا ربع ساعة ونطلعها تبرد

 نيجى بقى للتوبينج وهو عبارة عن علبة ويبينج كريم و 100 جرام شيكولاتة محترمة كادبورى او جلاكسي

 بنسخن الكريمة على نار هادية لحد الغليان بعد كدا نطفى النار وننزل بالشيكولاته ونضربها ويادوب تبرد وننزلها على الكيكة ... ونسيبها فى التلاجة طول الليل

 وتتقدم بالشكل دا

وبالهنا والشفتشي 

شكرا للشيف الرائع سامح صدقي لتعاونه معنا

ليست هناك تعليقات:

إرسال تعليق